عني

بسم الله الرحمن الرحيم

قديما .. من كام سنة بس يعني .. كان كل شخص بيحب يتكلم عن نفسه .. و خاصة على الانتر نت .. المكان اللى يقدر يظهر فيه مميزاته و يمارس جانبه المشرق بحرية .. و يقدر يخفي فيه عيوبه تماما .. لغاية ما طلع واحد عبقري .. و قال انه مش هيتكلم عن نفسه لان كل الناس بتحب تتكلم عن نفسها و ترضي غرورها و الخ الخ .. و بعدين بقت كل الناس بتقول كده .. و بعض العباقرة توصولوا الى حقيقة ان الانسان لو مش سياسي او رياضي او فنان مشهور يبقى الناس مش هتهم اوي تعرف عنه – كلمة عباقرة ليست سخرية بالمناسبة – و البعض تجاوزوا للمصارحة ببعض العيوب فى شخصياتهم من باب الصراحة و الواقعية ..

لو بتمل انزل اقرا اخر سطرين و خلاص

 مقدمة مملة .. لا داعي لها .. لكنها محاولة اخري للتظاهر بالعبقرية و الفهم .. المشكلة ان كل الناس عارفين – غالبا – معظم الحقائق .. بس عدد قليل هو اللى بيعرف يرتب الحقائق دي و عدد اقل هو اللى بيعبر عنها ببراعة .. عشان بقية الناس تعجب بيه و بعبقريته فى التوصل للحقائق اللى هي فيهم اصلا و هم عايشينها ..

هل ما سبقى يكفي لأعطاء فكره عني ؟ .. ربما بعض التعقيد و المبالغة فى الافكار .. حقيقي .. لكن اللى يهمني اكتر اني اقوله تحت عنوان ( عني ) اني مريت بمراحل غريبة في حياتي .. مش راضي عن اي مرحلة فيهم .. و في نفس الوقت عارف انا في كل مرحلة كنت بعمل كده ليه و شايفه شيء منطقي .. انا ممكن اكون ظلمت نفسي كتير .. و اكيد ظلمت ناس تانية معايا .. بس متعمدش ابدا اي اذي لأي حد .. و اتمنى ان اي حد ضايقته يسامحني و اتمنى ان ربنا يغفر لي كل اللى اخطات فيه بغير قصد ..انا بتعلم .. و بظني اني بنضج بالتدريج و هفضل انضج و اتعلم اكتر و اكتر لغاية ما اموت .. الامر مش مرتبط بسن .. الاهم اني اتمنى ان فعلا اكون دايما انهارده احسن من امبارح .. كل انسان له بيت و اسره و ظروف و مجتمع و بلد و دين و افكار بينشأ فيها .. ملوش يد في كل ده .. بس اللى له يد فيه .. اذاي اتعامل معاها .. و اذاي اتعلم و اختار طريقه .. و في النهاية الناس بتحكم على الشخص من تصرفاته و بتعرف شخصيته هو ..بغض النظر عن اي حاجة تانية ..و انا بتمنى برضه اكون عرفت اختار .. لو معرفتش اتمنى اني اقدر اصلح نفسي دائما للأفضل .

ايه الكلام الممل ده كله .. خلاصة الموضوع .. اني محمد حسن .. معرفش ليه الفلسفة ..و اني ماشي في العشرينات  و اني متخرج من كلية الصيدلة جامعة طنطا 2007 و اني تايه فى رحلة البحث عن المستقبل .. دعواتكم معانا .

Advertisements

13 تعليق »

RSS feed for comments on this post. TrackBack URI

  1. معرفش ليه لقيت نفسى عايزة احييك على المقدمة اللى شعرت فيها انك بتتكلم من قلبك وبالفم المليان اجمل حاجة انك عارف نفسك كويس ودة فى حد ذاته بداية النجاح علشان نغير من نفسنا لازم نفهم نفسنا ونعترف بأخطاءنا وانا شايفى انك ماشى فى الطريق السليم وربنا يعينك ويعينى على تكملة مشوار الحياة اللى بمثلة بحقل الغام ووقعت فيه والمصيبة انى مش معايا الخريطة وحتى لما لقيتها اخترت اكمل من غيرها مش غريبة ان فى ناس كتير معاهم الخريطة وزى مايكونوا مش عايزين يوصلوا بسلام
    انا كترت عليك بس احييك على الكلام اللى من القلب وربنا يوفقك
    راندا جمال

  2. Hi Mohammad, I was doin a research that got me to your blog. I read an article and i loved it.. it made me want to read more for you.
    Anyway, i just wanted to say how talented i found you 🙂
    sorry im typin in English but i am sort of slow ( or very slow) typing in Arabic
    take care 😀

  3. اشكركم يا جماعة على الكلام الجميل و اتمنى اشوفكم هنا تاني

  4. أهلاً يا دكتور محمد

    بصراحة كتاباتك و أسلوبك عجبوني قوي
    وواصل و بصراحة أنا كنت ناوي أعمل مدونة برضه ليا و اخترتلها اسم و لما تنزل بإذن الله هقولك علشان يهمني رأيك

    على العموم أنا في كلية الطب في شبين

    دعواتك لينا

    سلام

  5. بالرغم من ان صيدلة طنطا صعبة جدا الا انى لاقيت فيها الناس اللى انا حبيتهم وحبونى واتمنى انى اقابلهم تانى بعد التخرج

  6. ايه دا صيدلة طنطا

    ايه الحلاوة دي دا احنا زمايل بقى

    انت دفعة كام يا دكتور ؟
    🙂

  7. د. عيد الدايم :
    متشكر جدا يا دكتور .. و ربنا يوفقك

    د. شيماء :
    صيدلة طنطا فعلا رخمة شوية لكنها مميزة .. بس الواحد مبيحسش بقيمتها الا بعد ما يخلص خالص لان الوقت بيجري بسرعة جدا .. و صدقيني لو حافظتي على علاقاتط بعد الكلية هتفضل معاك طول العمر و هتبقى اقوى العلاقات

    د.محمد :
    كل ده و مش واخد بالك يابني .. 🙂

  8. اعجبتني مدونتك يا دك. محمد

    جميلة وعفوية.اتمنى لك التقدم

    شرفني بزيارة مدونتي “باندورا”

    zienab

    http://zienab.wordpress.com/

  9. متشكر على المرور و التعليق يا زينب .. و سعيد للغاية ان المدونة اعجبتك .. و ان شاء الله ازور مدونتك قريب ..

  10. lvp مرحباً،
    لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

    قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
    يمكنك متابعة مدونتك على الرابط التالى: http://www.tadwina.com/feed/932

    يمكنك متابعة باقى مدونات تدوينة دوت كوم على الرابط التالى:
    http://www.tadwina.com

    لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.
    و لكم جزيل الشكر،
    فريق عمل تدوينة دوت كوم.

    http://www.tadwina.com

  11. ألف شكر لك على المدونة وأعجبتني بالفعل وبالتوفيق بإذن الله

  12. انت اختفيت فين يادكتور ….معدتش تظهر لا هنا ولا عالفيس ولا في العالم الافتراضي كله ..عالأقل متحرمناش من متعة اللي بتكتبه ..

    ^_^

  13. I was rdcommended this blog by my cousin. I’m not sure whether this post is
    written by him as no one else know such detailed about my problem.
    You are amazing! Thanks!


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

المدونة لدى وردبرس.كوم.
Entries و تعليقات feeds.