آه يا دنيا ..

الأحد 16 يناير, 2011 عند 12:45 ص | أرسلت فى حقن خاصة | 2 تعليقان

انهارده الصبح عرفت الخبر .. فرحت  و الله جدا بس زعلت برضه

محمد معدي كتب كتابه .. يعني كده كل الناس اللى في الصور دي اتجوزت او على وشك ..

محمد و حسن معدي .. و محمد الجندي .. و مجدي ممدوح .. و طبعا اللى فاضل لسة انا

فاكر انا لما كنا بنتناقش مين هيتجوز قبل مين .. كان عندي حق لما كنت بقولهم انا هبقى اخر واحد .. دلوقت بقول ان احتمال كبير محصلهمش اصلا .. بس مش ده سبب الزعل خالص طبعا ..

انا زعلان عشان اللى مكنتش متوقعه ابدا انهم يتجوزوا و انا مكونش موجود في لياليهم .. دماغي جابت حاجات كتير بس مكنتش متخيل اني هكون في قارة تانية و هم بيكتبوا كتابهم او في دخلتهم .. الحمد لله ان كلنا لحقنا خطوبة مجدي .. دلوقت مش متخيل ان اخرى اكلمهم في التليفون او اشوف صورهم !

كنت بفكر ان حتى لو هم سافروا .. انا قاعد في البلد .. هيرجعوا هبقى معاهم .. لغاية ما يخلصوا غربتهم و يرجعوا .. مش دي طبيعة الناس صحيح .. الدنيا بتاخد و تفرق .. بس انا حاسس ان دول جزء لا يتجزا من عيلتي .. اخواتي .. اقرب لي من ناس كتير تربطني بيهم صلة الدم ..عشان كده مكنتش قلقان اني افوت ليالي عمرهم

دلوقت محمد و محمد هيرجعو في اجازاتهم و يعملوا افراحهم .. و انا هبقى هنا .. في السعودية .. و مجدي معرفش هيدخل امتى .. و الله انا خايف يكون دخل .. بقالى كتير مكلمتوش اصلا و هو في بلد تانية غيرنا ..

على اد مانا فرحان ليهم و بيهم .. على اد مانا صعبان عليا اللى احنا فيه .. و ان لحظات من اهم و اندر اللحظات اللى بتعلم في ذاكرة الناس .. هنبقى مش مع بعض فيها .. غصب عني بزعل !

كل اللى اتمناه فعلا .. ان بعد ما الدنيا تمرمط فينا لغاية ما تشبع .. نتجمع تاني .. و نبقى مع بعض دايما مهما كانت مشاغل الحياة .. و عيالهم يقولولي عمو محمد و يحبوني اكتر منهم طبعا .. 

ربنا يسعدكم و يفرح ايامكم يا رب .. اني احبكم في الله

Advertisements

2 تعليقان »

RSS feed for comments on this post. TrackBack URI

  1. ايه الحلاوة ده يادكترة , كلام جميل ومعبر , وايه التشاؤم ده يابني ده الحياة جميله ولونها بمبي على رأى الست سعاد حسنى , احنا هنعملك جمعيه ونجوزك ماتقلقش خالص

    عقباااااااااااالك يادكترة وعلى رأى المثل الأخــــــــــير ربه كريم

  2. هههههههههه جمعية ايه يا عم قلبك ابيض .. و بعدين الفلوس كتيرة و الواحد مش عارف يوديها فين ولا فين .. المهم النفس .. انا بس زعلان اننا مش مع بعض في المناسبات دي ..


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

المدونة لدى وردبرس.كوم.
Entries و تعليقات feeds.