بين التشريح و الطب الشرعي و بين حرمة الميت و التقاليد ..عشرات الجرائم بلا عقاب

السبت 23 أغسطس, 2008 عند 2:26 م | أرسلت فى حقن عامة | 8 تعليقات
الأوسمة: , , ,

وقعت في حيرة كبيرة بالامس حينما سمعت عن اخر ضحية لغرفة العمليات .. مجرد عملية لأزالة المياه البيضاء ..عملية رمد .. غيبوبة ثم فشل كلوي ثم وفاة ..!

اهل المتوفاه قاموا بتهريبها من المستشفى ليتم دفنها بشكل لائق .. و لا ادري هل هناك نوع من التعويض ستقدمه لهم المستشفى ام لا .. لكن هل يكتفي الاهل بذلك ..؟

لا يريدون معرفة من السبب .. لا يريدوم ان تتم معاقبة المسؤل .. ؟

و تذكرت كثيرا من الحالات و العمليات التى افصحت عن جرائم و اخطاء بشعة للجراحين او غيرهم و مرت بدون عقاب .. غالبا اهل الميت بيجرو على اي دكتور فى المستشفى و يرنوه علقة سخنة و ممكن يكسرو شوية في الاوض و بعدين ياخدوا الميت و يمشوا من سكات ..

تذكرت ايضا حادث شهير من كام سنة .. لما واحد باع الهيومن البيومين للناس ايام ما كان ناقص جدا و مش موجود في اي حتة و الناس ماتت و اتضح انه باعلهم حلبة مغلية !!!

و لم يوافق احد على تشريح جثة ذويه .. و لم يتم رفع اي دعوي قضائية ضد الفاعل بتهمة القتل .. و تمت مقاضاته بتهمة النصب و الاحتيال فقط !!

الان السؤال مؤلم حقا .. لو حدث هذا الامر مع شخص اعرفه .. شخص عزيز علي .. هل سأوافق ببساطة على التشريح .. ام انني سأحتسب الامر عند الله و اكتفي بدفن الميت بكرامته كما تقتضي عاداتنا و تقاليدنا .. للوهلة الاولي ظننت انني سأوافق على التشريح .. لكننى بعد قليل من التفكير ادركت انني لا اعلم .. حقيقي امر محير ! .. لا اعلم

تري ما رأيك انت .. هل توافق على تشريح شخص عزيز عليك كي ينال الفاعل عقابه ؟؟

Advertisements

8 تعليقات »

RSS feed for comments on this post. TrackBack URI

  1. آه يا محمد انا موافق على التشريح , عشان اللي غلط وموت حد بحبه ميغلطش ويموت حد تاني ..

  2. زمان كنت بفتكر تشريح يعني هايجبوا الجثة يقطعوها حتت – خيال عيال – بعدين اكتشفت إن الموضوع زي ما يكون عملية جراحية بيفتحوا يشوفوا و يفحصوا و يقفلوا تاني ..
    لو هو ده التشريح اللي ممكن يحصل , أنا ماعنديش مانع , و ربنا يحفظنا إحنا و اللي بنحبهم ..

  3. اكرام الميت دفنه …
    منتهى البشاعة و اللاإنسانية أنك تشرح جثة إنسان و تخلى عيال يعبثوا فيها حتى لو باسم العلم.
    المجرم أخد جزاؤه بالإعدام, إذن استوفينا حقنا منه, قال الله تعالى { ولا تقتلوا النفس التى حرم الله إلا بالحق ومن قتل مظلوما فقد جعلنا لوليه سلطانا فلا يسرف فى القتل إنه كان منصورا } الإسراء 33
    ثانيا فى إسرائيل يتم تدريب الطلبة على جثث مصنعة, مش فاهمة ازاى, بس شكلها نافعة الحكاية دى عندهم.
    و لو وافق الطبيب أن أحد أحباؤه يتم تشريحه فى الكليات يبقى نطبق الكلام على الكل.

  4. محمد ..
    انا برضه ده المنطقي و البديهي اللى بيجي فى دماغي .. بس لما حاولت ازيد من تخيل الموقف .. معرفش .. يمكن انا حطيت نفسي مكان الناس اللى بترفض التشريح او الطب الشرعي زيادة عن اللازم ..

    ايه ..
    الطب الشرعي فيه درجات في التشريح .. على حسب معرفة او عدم معرفة السبب المتوقع للوفاة .. و طريقة الوفاه .. احيانا بيكون ضروري فحص اجزاء كثير بصورة كبيرة .. لكن اللى مش متأكد منه بقى .. هل بيقفلوا تاني فعلا بعد ما يخلصو .. زي المريض اللى على قيد الحياة .. و لا بيلفوا الجثة اي حاجة عشان تندفن ..

    ساره ..
    يمكن انت خرجتي عن الموضوع او السؤال الاساسي اللى بتكلم عنه .. الى التشريح بصفة عامة .. و بالذات فى الكليات .. انا ليا راي وسط فى الموضوع ده .. لان مينفعش نمنع خالص .. يبقى محدش هيتعلم .. و موضوع الجثث المصنعة ده مش زي الجسد البشري الحقيقي ابدا .. في نفس الوقت لازم يكون الامر مقنن .. و له حدود .. و حكاية الاعدام دي .. غالبا اهل المعدوم هم اللى بياخدوا القرار ده او بيرفضوا استلام الجثة ..

  5. للوهلة الاولى اعتقدت انه ممكن اوافق انا ايضا على التشريح بحجة انه في صالح القضية ككل و في صالح الميت اولا واخيرا ..
    لكن بعيدا عن العقل ونزواته وجدت انني لن اقبل نفسيا بتشريح جثة اي من اقاربي على الاقل احتراما لحرمة الميت لان التشريح لن يفيده بالاضافة الى انتهاك حرمة الموت نفسها ..
    لكن خليني اقول ان الوضع بيختلف من قضية للتانية حسب حالة المتوفي و اسباب الوفاة و نوع التشريح زي ما وضح محمد ..

  6. لا يضر الشاه سلخها بعد ذبحها

    خلاااص ماتت علي ماذا يخشون بعد ذلك ؟

  7. الفكره يعني ان دي مش مجرد شاه يا جومانا .. احيانا الفكره بتكون صعبة لما نتكلم على حد عزيز جدا .. نبقى مش عاوزين اي اهانة تحصل لجسمانه .. و غير عاداتنا .. سرعة الدفن للميت بعد وفاته ..

  8. هو كونه حي .. في مجتمع عامله كده .. دي كانت بالفعل اكبر اهانة ليه ..


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

المدونة لدى وردبرس.كوم.
Entries و تعليقات feeds.