سعادة الوزير .. انا عاجز عن التعبير !

السبت 9 أغسطس, 2008 عند 12:49 ص | أرسلت فى حقن للصيادلة, حقن سامة | 3 تعليقات
الأوسمة: , ,

عندما سمعت ان هناك قرار من الوزير – د . حاتم الجبلي وزير الصحة و السكان – بحوافز جديدة للأطباء سعدت للغاية .. و تناولت القرار بتفاؤل و انا اتذكر انني تركت شركة الادوية ذات الراتب المرتفع و السيارة المنتظرة بعد عدة اشهر و قبلت التكليف الحكومي و ذهبت الى قرية فى مجاهل الريف معتمدا على ما انتظرناه من قرارات لرفع رواتب الاطباء و كادر الاطباء الجديد و خلافه ..

تناولت الصفحة الاولى فى القرار حوافز الطبيب البشري .. على النحو التالي :

150%‏ من الراتب الأساسي للطبيب المكلف والممارس العام‏,‏ و‏300%‏ المقيم المؤهل ومقيم طب الأسرة‏,‏ وصرف ‏30%‏ لمساعد الأخصائي والاخصائي والأستشاري كمرحلة أولي.

ويمنح أطباء الطواريء حافز الطواريء بنسبة‏400%‏ والتي يشترط أن يتم صرفها التفرغ التام للعمل بأقسام الطواريء وعدم ممارسة العمل بأي أقسام أخري‏(‏ علاوة علي حافز الطبيب‏).‏ 

قلت بسم الله ما شاء الله .. يعني الدكاترة اللى معايا فى الوحدة اللى مش بيحضروا اصلا و مش بشوفهم الا مرة كل اسبوعين هياخدو كل واحد 450 % حوافز .. و الناس اللى اعرفهم و شغالين فى الطوارىء هياخدو 700 % حوافز .. ده شيء عظيم خالص .. قلبت لقيت الصفحة اللى بعدها القرار الثاني بتاع اطباء الاسنان .. و كانت اول صدمة .. و اللى بعدها الثالث للصيادلة .. و استمرت الصدمة للعلاج الطبيعي للمسعفين و الممرضين .. !  الحوافز الاضافية كانت ايه .. ؟؟

30 %

لطبيب الاسنان و الصيدلي و اخصائي العلاج الطبيعي و المسعفين و غالبا التمريض كمان او التمريض 25 %بس .. !

هل الفرق بين الطبيب البشري ( اللى مش بيروح الوحدة اساسا و لو راح بيقعد على المكتب يشوف حاجة يشغل بيها وقته ) و بين طبيب الاسنان اللى بيشتغل فعليا كل يوم او على الاقل لو بييجي ايام معينة فى الاسبوع و يبدل مع زميله على الاقل بيعمل شغل حقيقي و مرهق و الصيدلي اللى بيروح كل يوم و عنده عهدة مسؤل عنها .. و بغض النظر عن الشغل اصلا .. يبقى الموظف الطبيب البشري حوافزه 450 % زيادة .. و الاسنان و الصيدلي و العلاج الطبيعي مع المسعفين 30 % بس زيادة ؟

ليه يعني ؟ لييييييييييييييييه ؟

حقيقي يا سعادة الوزير .. انا عاجز عن التعبير 

تحديث : المسعفين حوافزهم اما 150 % او 300 % .. يعني مش مع الاسنان و الصيدلة و العلاج الطبيعي و التمريض 25 % زيادة 

Advertisements

3 تعليقات »

RSS feed for comments on this post. TrackBack URI

  1. تيجي ماما تسمع , علشان كان نفسها جداً ادخل صيدلة و أنا شذيت و رحت هندسة !
    طول حياتي نفسي افهم هم اللي بيدخلوا كلية هايدخلوا الجنة و باقي خلق الله لأ علشان كده بيميزوهم عن باقي البشر !
    عموماً انا مش ضد إن الدكاترة يترفع دخلهم , بس بلاش تمييز في المعاملة ما بينهم ما بين غيرهم لأن الآخرين مش بيقلوا همية عنهم ..
    و ربنا يصبرك يا ابني ..

  2. اللي بيدخلوا كلية طب اقصد يعني ..

  3. الهندسة دول اجدع ناس .. احييك على قرارك الصائب جدا .. و شكرا على المرور و التعليق 🙂


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

المدونة لدى وردبرس.كوم.
Entries و تعليقات feeds.