الفحص الطبي ( الإجباري ) .. هو الجواز ناقص !

الجمعة 1 أغسطس, 2008 عند 3:16 م | أرسلت فى حقن عامة | 4 تعليقات
الأوسمة: , ,

ال ايه .. وزارة الصحة المصرية عاوزة تحافظ على صحة الناس الانجابية .. الخبر هنا

و كأن الوزارة خلاص .. حافظت على صحة المواطنين فى كل حاجة .. الاكل و الشرب و الهواء .. و مش فاضل غير الجواز  .. و اكتر ما يستفزني فى الموضوع .. هو ان تكون جهة واحدة فى البلد مسؤلة على اصدار قرار بخصوص الزواج اللى احنا اصلا بنعاني من مشاكل فيه .. تأخر سن الزواج و زيادة نسبة العنوسة .. و يكون من شأن القرار ده اضافة عقبات و زيادة تعطيل لعملية الزواج

لو اخدنا الامر واحدة واحدة .. الفحوصات الموطلوبة :

تحاليل الإيدز والفيروسات الكبدية بأنواعها الثلاثة، والأمراض الوراثية مثل السكري، إضافة لفحص رحم الزوجة بأشعة الموجات فوق الصوتية وفحص السائل المنوي للزوج للوقوف على قدرة كل منهما على الإنجاب .

كل ده ب 70 جنيه في مستشفى حكومي ؟؟؟؟ و ال ايه .. لضمان نزاهة التحاليل .. في المشمش

الايدز و الفيروسات الكبدية .. ماشي .. مفهومة .. لكن تحديد القدرة الانجابية قبل الزواج .. ليه ان شاء الله .. عشان بعد كده بدل ما الواحد يدور على شخصية مناسبة للزواج يدور على انثي قادرة على الانجاب ؟

طول عمر الناس بتتجوز الاول بناء على حاجات كتير .. و بعد الزواج لو الناس احسنت الاختيار .. بيفضلو مع بعض لو فيه حد محتاج علاج بيمشوا فى المشوار مع بعض .. لكن دلوقت .. لما البنت تعرف انها عندها مشكلة من الاول .. هيبقى فيه فرصة ان الراجل يستمر فى الخطوبة و الجواز و لا هتروح تحسن قدرتها الانجابية الاول قبل الجواز ؟ و لو الموضوع طول .. و الراجل يربط نفسه ليه اصلا بواحدة لسة بتحسن صحتها الانجابية ..و لو واحدة مش بتخلف خالص .. فرصتها اد ايه فى الجواز ؟ و لا هنوفق الناس مع بعضهم بعد كده بنسبة القدرة على الانجاب .. ! اللى زي بعض يتجوزوا بعض .. انا شايف الموضوع ده مسخرة و هيؤدي لزيادة مشاكل تاخر الزواج و العنوسة .. و ربما تزوير و خداع حقيقي في الحالات اللى ممكن يقف التحليل ده قدام ارتباطهم .. ناهيك عن الفكرة الغير ادمية في فحص الراجل و الست قبل الجواز .. متهيألي مفيش بلد فى العالم بتحط شرط الفحص (( الاجباري )) ده فى شروط الجواز ..

اعتقد شعار المرحلة الجاية .. نحو زواج اكثر صعوبة

Advertisements

4 تعليقات »

RSS feed for comments on this post. TrackBack URI

  1. عشان بس تعرف.. مفيش حاجه مالتحاليل دى بتحصل.. او يمكن فى الحالة اللى انا عارفاها.. اتنين فى يوم فرحهم راحوا عملوا الكشف ده فى ساعة.. وكان كشف باطنى عادى جدا.. وسألوهم انتوا بتشتكوا من اى حاجه وقالوا لأ والموضوع خلص.. بس كده.. شكة دبوس فعلا 🙂

  2. على حسب الخبر اللى انا قريته و حطيت وصلته المفروض ان التطبيق بدأ من امبارح اول ايام أغسطس .. على كل حال هنعرف اكيد كل حاجة ..

    و متشكر على المرور و التعليق 🙂

  3. تعليقي على الخبر ده مش هيكون دلوقتي..

    بس أشكرك مقدمًا على خبر من ذهب قدمته لي 😀

  4. يا تري تقصد ايه ؟

    على كل حال .. انا اخر حاجة عارفها ان كان فيه قانون الكف ده من زمان و كان غير مفعل او اجراء شكلي .. و المفروض انه تم تفعيله و اضافة بنود له زي ماهو مكتوب فى الخبر .. بس انا منتظر اول واحد معرفة يكتب كتابه في الفترة اللى جاية عشان نشوف ايه الوضع بالضبط ..


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

المدونة لدى وردبرس.كوم.
Entries و تعليقات feeds.