مدنتنا اكبر من مدنتكم !

الأثنين 23 يونيو, 2008 عند 10:27 م | أرسلت فى حقن عامة | 4 تعليقات

من الحاجات اللى تغيظ اوي في المصريين انهم بيهتموا بالمظهر اوي .. حتى في الدين .. المظهر قبل المضمون .. و كلام الناس اهم من اي حاجة في الدنيا حتى لو كانت شرع الله

شيء محزن حقيقي لما تلاقي المسلمين بنفسهم بيقدموا مادة للسخرية من دينهم و مظاهر عباداتهم و مساجدهم .. بسبب سوء الفهم و العادات و التقاليد البالية

على سبيل المثال :

في احدي القرى المجاورة لمدينة طنطا .. حصلت حاجة لطيفة اوي .. مسجدين كبار فى القرية .. واحد عند العيلة الفلانية .. و التاني عند العيلة العلانية .. فجأة ربنا فتح على عيلة منهم و راحت مجددة الجامع .. و عملوا مئذنة كبيرة و عالية .. هوب .. الشهر ميخلصش الا لما تكون العيلة التانية عاملة تجديدات احسن في المسجد اللى عندهم و بانين مئذنة اعلى من بتاعة الجامع الاولاني ..

العيلة الاولانية تسكت .. لأ .. تلم من الناس و تدفع من جيبها الافات عشان تعمل المسجد رخام من بره و من جوة و تعلق نجف و تجيب سجاد فاخر .. و طبعا العيلة التانية مش هتتأخر .. هتصرف الافات هي كمان عشان متبقاش اقل من العيلة الاولانية .. و المحصلة ؟؟

فلوس بيتعمل بيها حاجات ظاهرية ملهاش اي قيمة فعلية و كانت ممكن تندفع في سبيل الله للفقراء او يتجاب بيها علاج او هدوم او مشروع صغير يشغل ناس .. ده غير ان البهرجة و الزينة المبالغة فى المساجد بتشتت الانتباه و تلهي اثناء الصلاه اساسا ..

بس تقول لمين بقى .. مستحيل تقنع الناس دي ان اللى بتعمله غلط .. كل اللى نقدر نقوله لا حول و لا قوة الا بالله

و ربنا يهدي ..

 

Advertisements

4 تعليقات »

RSS feed for comments on this post. TrackBack URI

  1. فى رايى ان التجديد فى المساجد مطلوب بس طبعا ما يكونش على حساب حاجات تانية زى صدقة او مشروع خيرى..هنا المظاهر بتبقى فشخرة كدابة مش لوجه الله

  2. وربنا يهدي 🙂

  3. متشكر جدا على التعليقات يا جماعة .. و سعيد بمروركم

  4. فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة – The Culture of Defeat – بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
    هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

    1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
    2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
    3- مشكلة تعمير مصر والتى يعيش سكانها على 4% من مساحتها.
    4 – العدالة الاجتماعية .. وأطفال الشوارع والذين يملكون كل شىء .
    5 – ضرورة الاتحاد مع السودان لتوفير الغذاء وحماية الأمن القومى المصرى.
    6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
    ارجو من كل من يقراء هذا ان يزور ( مقالات ثقافة الهزيمة) فى هذا الرابط:

    http://www.ouregypt.us/Bgharib/main.html


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

المدونة لدى وردبرس.كوم.
Entries و تعليقات feeds.