وداعا كلية الصيدلة

السبت 23 يونيو, 2007 عند 4:49 م | أرسلت فى حقن للصيادلة, حقن خاصة | 24 تعليق

20 يونيو 2007

أضغط علي الصور لمشاهدتها بحجم اكبر

امتحان مادة الـ Promotion & Marketing تحريري .. و شفوي .. و اخر يوم رسمي للفرقة الرابعة بكلية الصيدلة جامعة طنطا .. صحيح ان لسة فيه حاجات بتتسلم تبع المواد و تبع الاوراق و كده .. و صحيح انا لسة عندي يوم 3 / 7 ما1.jpgدة من السنة اللي فاتت مكنتش نجحت فيها ..3.jpg لكن ده مينفيش اني حسيت اني بودع الكلية اليوم ده !

كويس انهم فضلوا مأخرينا لغاية الساعة 5 او 6 .. صور كتير اتصورناها اليوم ده ! فيه ناس كان نفسي اتصور معاها و مجتش فرصة .. زي علاء ابو شادي 2.jpg.. اللى ( كلمة حق ) كان بيعمل معايا الواجب قبل الامتحانات و يعرفني اللى علينا و اللى مش علينا و هنذاكر ايه .. مهو انا ببقى فى الطراوة طول الترم .. و فيه ناس اتصورت معاها صور لطيفة .. باذن الله هتبقى موجوده و تفكرني بالايام دي دايما 4.jpg.. صحيح انا معرفتش استغل ايام الكلية دي صح .. بس الحمد لله على كل حال ..

و طبعا كان فيه صور مع رفاق الكفاح عبر 5 سنين .. محمد معدي و محمد الجندي و مجدي ممدوح – ربنا يعينه – 6.jpgو مش كده و بس و بعد ما مشينا دبسنا معدي ( انا اللى دبسته فى الواقع ) في عزومة على الغدا .. قبل ما نرجع على البيت عندي .. و نقعد نشوف هنعمل ايه بقي فى البحث و نلعب فيفا شوية و ننقل الصور من الموبايل للجهاز .. هتوحشوني يا ولاد اللذينة .. و هتوحشني ايام القرف و البهدلة فى الكلية 5.jpg.. و التيرمات اللى فيها عشر مواد .. و الادوات اللى بتتكسر و الضفادع اللى مش بترضى تموت و الفران اللى بتقف على رجلين اتنين بس و حمض الكبريتيك اللى بيضرب من الانبوبة فى وش اي حد و الحنفيات البايظة و المعيدين الرخمين و الميعدين الطيبين .. و الدكاترة .. و ما ادراك ما الدكاترة ..

 صيدلة طنطا .. وداعا !!

Advertisements

24 تعليق »

RSS feed for comments on this post. TrackBack URI

  1. السلام عليكم 🙂

    مبروك يا ولد المدونة الجديدة ،، بالمناسبة انا عندي واحدة علي الورد بريس دا برضه بس فاضية 😀 من عمايل فاست ليرو …

    مبروك التخرج (انا سابقك ب 3 اسابيع 😛 زائد اننا تصورنا في شهر 4 😀 ) بطيء بطيء 😀

    ربنا يوفقك في حياتك العملية والادبية والعاطفية 😛

    ومتنسناش ياض

    صديقك

    MoH_mOu

  2. الله يبارك فيك يا ولدي .. و مبروك انت على الشهادة يا وغد .. في نتيجة بتبان بدري كده !!! مبروك ياض

    و عيب عليك .. متنساناش انت بس

    شكرا يا محمد على التعليق

    • معاليك ليه مبتردش على تعليقاتى انا محمد انور المنوفى عشان انا كاتب انجليزى يعنى وللا ايه انا مش بترسم والله الذى لا احلف به هزلا او كذب لكن انا باعمل التيبنج العربى بمنتهى الصعوبة مش واخد عليه يا عم الحاج دنا عمال بقالى يجى ربع ساعة باكتب فالرسالة دى

      • انا اول مرة اخد بالى من التعليق ده .. انا مقصدش طبعا مردش عليك و الله .. ارجو بس انك تضيف تعليقاتك على المقال ككل مش كرد ضمن تعليق اخر .. عشان اشوفه اسل و انا برد على الجميع حسب وفتي ..

        اشكرك بشدة على تواجدك الذي اتمنى الا ينقطع ابدا ..

  3. حلو قوي قوي قوي البوست ده.. شوية صور إنما إيه.. جنااااان.. وجودة واضحة وكله تمام.. يعني الفوتوشوب هايزغرد.. فاهمني يا عمونا؟
    مبروك يا باشا على التخرج..
    كلية صيدلة؟
    ماشي..
    ألاقيش معاك قرصين ريفو؟

  4. ما عندكشي اخبار عن النتيجه

  5. ما عندكش اخبار عن النتيجه

  6. من العم الكبر لكل من انتمى لكليه الصيدله جامعه طنطا وداعا اقولها صادقه من قلبى وربنا يوفق الجميع

  7. كلية الصيدلة اجدع كلية

  8. قديهون العمرالاساعة وتهون الارض الاموضعا الساعة هي اللحظات الخالدة مع اغلي الاصدقاء في الكلية والموضع هو كل شبر من جنبات احب كلية تسامرنا فيه

  9. مبروك التخرج يا شباب واهلا بكم فى ايام افظع من الكلية بكتييييييييييييرررررررررررر

    بكرة تقولوا فين ايام الكلية…… الله يرحمهاكانت احلى ايام

    التوقيع :- خريجة قديمة ……قوووووووى

  10. الف مبروك لكل دفعة 2007 والفين مبروك ليك يااحمد ياعيسوي وعلي فكرة انت كاتب كومنت لذيذ وشيك زيك بس دا بيت شعر من اغنية قديمة لعبدالوهاب تاليف شاعر ماسموش احمد العيسوي بس ذوقك عالي والف مبروك كمان مرة

  11. لتلبيه رغبات الجماهير اكتب انا ابن البهوات ابعث لدفعتكم الكريمه التهانى الرقيقه والامنيات بداوام التوفيق واتمنى ان تنالوا رضا الله اولا ثم ان تنالو رضا اصحب عملكم. اخيرا وليس بأخر لو كان الامر بيدى ……… .

  12. الف الف مبروك علي النجاح وعقبال المعافاه.وياريت اى حد يدخل علي الموقع يدعو لنابالتوفيق

  13. اخيرا اترحمنامن الكلية وقرفها ولاشيت بقى ولاقرف وهنعيد مع الناس ونتفسح ونخرج ونشوف الدنيا بقى انا لسة لحد دلوقتى بتجيلى كوابيس بسبب الكلية دى خرجنا السنة دى على خير بدون اى خسائر الحمد والشكر لك يارب

  14. بالرغم من ان التخرج دة شئ حلو بس بردة مافيش احلى من جو الكلية والاصحاب وفراقهم شئ صعب جدا

  15. على فكرة ياجماعة عايزة اشوفكم منورين كدة فى حفلة التخرج وعلى فكرة انا لسة فى سنة ثالثة

  16. كل ترم و انتم ان شاء الله معديين صافى امتحان العضوية بعد اسبوع ربنا يستر فعلا اعدادى دى اسوأ سنة فى حياتى وان شاء الله الغلطات الكثيرة اللى الواحد عملها و ندمان عليها مش هتتكرر ثانى ابدا

  17. السلام عليكم انا طالبة جديدة فى اعدادى وحاسة ان الكلية صعبة قوى حد يقولى ازاكر ازاى

  18. الكليه دي عباره عن طاحونه اول ماتدخلها تحس انك انشفط وتتعجن صح والاخر ترميك ف الشارع لا تلاقي شغل في صيدليه ولا شركه ولا حتي بره وتقعد تندب حاللك قدام السيده زينب

  19. االالسلام عليكم ورحمة الله وبركاته انا يا دكاترة الصيدلة طالبة في كلية الطب بس انا منكرش ان كلية الصيدلة اصعب بكتييييييييييير من كليتنا دي بس بجد ربنا معانا ومعاكم يا شباب الغد ويا اجيال المستقبل اختكم اللي عندها احساس غير كل الناس والسلام عليكم ورحمة الله وبركاته

  20. فعلا إحنا شوفنا أيام بعد الكلية أسود من قرن الخروب بجد “بكل ما تحويه الجملة من معنى ومفتقدين ناس كتير جدا فى الكلية ونصيحتى للناس اللى لسه موجودة انها تستغل كل لحظة حلوة فى الكلية حتى لو كانت مرة لأن ببساطة الحياة بعد الكلية أمر و أمر
    وسلامى لكل الناس المنورة الصور “رغم عدم معرفتى بيهم” وبالتوفيق للجميع

  21. مش لازم اكون صيدلى يعنى عشان حد من معاليكم يعبرنى

  22. عندك حق يا دكتور محمد و الله .. اشكرك على تعليقاتك و اشكر الجميع على المشاركة .. 🙂


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

المدونة لدى وردبرس.كوم.
Entries و تعليقات feeds.