الفيس بوك .. و الهجوم علي صفحات جريدة الاهرام !
السبت 3 مايو, 2008 at 6:04 م | In حقن عامة | 11 Commentsأنا بشتري الاهرام كل يوم جمعة عشان الاعلانات .. و لقيت المرة دي صفحة كاملة مخصصة للهجوم على الفيس بوك .. الصفحة ضايقتني رغم ان اي حد له علاقة بالانتر نت و عارف الفيس بوك هيعرف ان الكلام اللى مكتوب ده مبالغ فيه بشكل عبيط .. لكن الناس اللى متعرفش بقى ؟؟ هيبقى بالنسبالهم الفيس بوك ده هو عدو الوطن الاول و مدمر الشباب و مرتع عشان كل واحد فاضي عاوز يلعب شوية يدخل يكتب كلمتين يبوظ بيهم مستقبل البلد !
دي صور من الصفحة :
و هنا يتحدث الكاتب عن مصر العظيمة .. مصر الانتصارات .. و حرب اكتوبر و ما الى ذلك بالاضافة الى ” الاستثمارات ” العظيمة و شوية سلطات و بابا غنوج من اللى مقريتهمش اساسا .. مصر الحلوة يعني اللى الناس فيها مرتاحين و احرار و مطمنين و واكلين شاربين متجوزين و مصيفين في مارينا !
هنا يستعرض الكاتب براعته الصحفية .. بعد شوية صور لأطفال مصابين من جراء العنف الاسرائيلي .. شايفين الوحشين بتوع الفيس بوك .. بيتعاطفوا مع اليهود .. اللي بيدبحو الفلسطينيين حبايبنا ” اللى احنا مشاركين في حصارهم ” .. و الذ حركة بقة حكاية “مع الاخوان” دي .. الراجل ملقاش مكان في المقال يحط فيه الاخوان قال مفيش احسن من المزنق ده و راح حاطتهم مع بتوع اليهود .. كاتب عسل !
بغض النظر عن مضمون الحوار .. واخدين بالكم من العنوان .. نجمة نجوم الفيس بوك .. بأعتبار ان الفيس بوك ده نادي او ملهى ليلى .. معرفش عبير تعجبها التسمية و لا لأ .. او تعجب اي حد مشهور او مش مشهور على الفيس بوك او فى مجتمع التدوين بصفة عامة .. بس اد ايه الكلمة توحي بالابتذال و السخافة .. و تدي انطباع عند القاريء بالسطحية و التفاهة و كأن الفيس بوك نوع من انواع التسلية او المرح بتاع الشباب !
جنب مقالة نجمة النجوم بالضبط .. د.رفعت اللى عرف كل حاجة عن الفيس بوك و عن الشباب و قيمهم بخبراته الواسعة و وصفهم انهم شوية عيال لاسعة .. و الذ من التسمية الكلام نفسه اللى بيحكي عن ان دول ناس مترفين ايديهم فى المية الساقعة و بيحطو خطط لذيذة من طراز اقتحام مطار القاهرة و منع تهريب اشولة الاموال الى الخارج !!
طبعا ده غير بقية اللى مكتوب في الصفحة من طراز ان دول اولاد الناس الاغنية ” و كان واحد غلبان على قده زيي مش هيعرف يدخل نت و يكتب كلمتين ” المهم اولاد الناس الاغنية اللى ياما استغلو نفوذ اهلهم و فلوسهم و ياما استفادوا بخيرات البلد و ثمار الاستثمارات العظيمة .. هم دول نفسهم اللى ما صدقو لقيوا لعبة مسلية زي السياسة تخليهم مشاهير و تملا فراغ حياتهم ..
رغم ان الصفحة اغلبها غير مقنع لأي حد عنده خبرة بسيطة فى عوالم الانتر نت .. الا ان شريحة كبيرة من الناس معندهاش .. و مش بعيد بعد كل الهجوم ده الاب يدخل فجاة على ابنه فى الاوضة و يقوله .. يا قليل الادب يا سافل … فاتح الفيس بوك يا صايع .. بدل ما تفتح موقع بورنو و لا تعمل شات مع بنات .. اخص عليك !!
تعليقات »
خلاصة "RSS" للتعليقات على هذه التدوينة. عنوان التتبع
أضف تعليق
-
أخر التعليقات
المدونة لدى WordPress.com. | Theme: Pool by Borja Fernandez.
Entries and comments feeds.
شئ يحرق الدم اصلا
بداية لاحظت شئ عجيب ان عدداً من المدونين في الفترة الاخيرة مقابل ان ينشر له تصريح يخرج للهجوم علي الفيس بوك
فعلها اكثر من مدون في عدد جريدة نهضة مصر الاسبوعي , الدنيا بقت كلها مصالح
دا بيسند دا و دا بيشيل دا
عموما الدولة هتفضل تهاجم الفيس بوك لغاية ما تهدا جروبات المعارضة المصرية فيه , و الهجوم هيفضل شريعي طالما هنالك المدونين متحالفين مع الحكومة ضد الفيس بوك
بيبو
Comment بواسطة إيهاب عمر — الأحد 4 مايو, 2008 #
امممممم
قارن تهنئة عيد الفصح بهذا الخبر.
لنتوقع المقال القادم إذا عن فطع الانترنت عن مصر لأنه أداة فساد.
المقال مستفز لأقصى درجة…. لأن في الواقع أعضاء فيس بوك لم يشوهوا مصر… بل هذا المقال قام بتشويه شباب مصر..
Comment بواسطة حسن إبراهيم — الأحد 4 مايو, 2008 #
يا جماعة الله يرحم أيام إبراهيم نافع
لقد حول سرايا الأهرام من جريدة محترمة و محترفة مهنياً إلى جريدة منحطة و متخلفة أخلاقياً و وطنياً و مهنياً
لقد تحولت الأهرام إلى نشرو للوفيات لأن من تبقى ممن يشترون الآهرام يشترونها لقراءة صفحة الوفيات أما أنا فامتنعت عن شرائها منذ أكثر من سنتين علشان سرايا أفندى عندما يحب أن ينافق هو و اللى معاه ينافق على حسابه مش على حسابى
Comment بواسطة hishameltawil — الأحد 4 مايو, 2008 #
first enta 3′altan fe 7ad 3a2l ydf3 flosh fe grayd ya ragl ete2e rbna da kalam nas btdrs e3lam ya3ne ahl 7′bra mt3′ltsh keda tane secandm7dsh bysad2 kalm el7koma elnas btalet 3bt we bt7awl t7′leha fe 7alha we b3den ya3ne za3lan men elkalam awl mra wala a7′er mra ya ragel elmhm tkon 3rft 3′alatk we mt3mlsh kda tane mosh na2sa 7r2t dam
Comment بواسطة scorpion — الأحد 4 مايو, 2008 #
السيد رفعت السيد رئيس حزب التجمع الذى لايتجمع فيه احد يقول بمنتهى السفالة دول شوية عيال لاسعه .. ربنا يكملك بعقلك اللى مش لاسع يارفعت
Comment بواسطة عقلة الصباع — الأحد 4 مايو, 2008 #
لا شك ان الفيس بوك تحدث فيه مهازل كثيره و هو مرتع لأصحاب العقول الخفيفة و الأفكار الهدامه و الناس الفاضيه
لكن أكيد إنه زي اي شيء ، لو أحسنت ايتغلاله هيكون كويس
وأعتقد إن الأهلاام كانت تتحدث عن إسائة الإستخدام
تحياتي
Comment بواسطة محمد أبو الفتوح عبد المنعم سالم غنيم — الأثنين 26 مايو, 2008 #
الراجل اللى عامل فيها صحفى ده تخلى عن كل مبادئ الصحافة لما كتب الموضوع ده …. اولا عبير سليمان مش نجمة الملهى الليلى اللى اسمه فيسبوك … عبير صحفية و كاتبة زيها زيه … يعنى ده اسمه سب و قذف علنى!!
انا بلوججر و عندى اكوانت نشط على الفيس بوك … لما سمعت اشاعة قفله ديه جريت على تامر صديقى و قلت له يلحقنى بوب سايت فى السريع قبل ما يقطعوا عننا ميه و نور
Comment بواسطة Marwa Rakha — الأحد 1 يونيو, 2008 #
كلنا يعلم ما تحولت اليه جريدة الاهرام .. و ليست وحدها بالطبع .. و مسألة المصالح دي بقت حاجة بديهية يا ايهاب .. اشكركم جميعا على التعليق
Comment بواسطة mhsn_10 — الثلاثاء 3 يونيو, 2008 #
وصف رفعت السعيد للشباب بأنهم لاسعين بيدل على أنه هو شخصيا انسان لاسع.
النت مليان بلاوى , خاصة المواقع الى بتشكك فى الدين, بس حكومتنا بتخاف بس من المواقع الى بتهدد وجودها, و لا يهمها دين و لا اخلاق
Comment بواسطة sara xiaojie — الأربعاء 20 أغسطس, 2008 #
اكثر ما يضايق حقيقة فى الموضوع هو الاستغلال السيء للصحافة و اللعب بطريقة دنيئة لكن للأسف ليست الاهرام وحدها التى اصبحت تتلاعب بالحقائق و الالفاظ و تضلل الناس برسم صور مختلفة عن الحقيقة .. بل اصبحت هذه طريقة سهلة و مضمونة للفرقعة بالنسبة لاي كاتب ..
و شكرا يا ساره على المرور و التعليق ..
Comment بواسطة mhsn_10 — السبت 23 أغسطس, 2008 #
رفعت السعيد و أمثاله واحد من أكبر المشاركين ف مسرحية “الديموقراطية” فأي انسان حر لابد الا يأبه له و لأمثاله مثل سرايا و القط و كل من على شاكلتهم
Comment بواسطة عمرو عيد — الأثنين 15 سبتمبر, 2008 #