وداعا كلية الصيدلة
السبت 23 يونيو, 2007 at 4:49 م | In حقن خاصة, حقن للصيادلة | 20 Comments20 يونيو 2007
أضغط علي الصور لمشاهدتها بحجم اكبر
امتحان مادة الـ Promotion & Marketing تحريري .. و شفوي .. و اخر يوم رسمي للفرقة الرابعة بكلية الصيدلة جامعة طنطا .. صحيح ان لسة فيه حاجات بتتسلم تبع المواد و تبع الاوراق و كده .. و صحيح انا لسة عندي يوم 3 / 7 ما
دة من السنة اللي فاتت مكنتش نجحت فيها ..
لكن ده مينفيش اني حسيت اني بودع الكلية اليوم ده !
كويس انهم فضلوا مأخرينا لغاية الساعة 5 او 6 .. صور كتير اتصورناها اليوم ده ! فيه ناس كان نفسي اتصور معاها و مجتش فرصة .. زي علاء ابو شادي 
.. اللى ( كلمة حق ) كان بيعمل معايا الواجب قبل الامتحانات و يعرفني اللى علينا و اللى مش علينا و هنذاكر ايه .. مهو انا ببقى فى الطراوة طول الترم .. و فيه ناس اتصورت معاها صور لطيفة .. باذن الله هتبقى موجوده و تفكرني بالايام دي دايما 
.. صحيح انا معرفتش استغل ايام الكلية دي صح .. بس الحمد لله على كل حال ..
و طبعا كان فيه صور مع رفاق الكفاح عبر 5 سنين .. محمد معدي و محمد الجندي و مجدي ممدوح – ربنا يعينه – 
و مش كده و بس و بعد ما مشينا دبسنا معدي ( انا اللى دبسته فى الواقع ) في عزومة على الغدا .. قبل ما نرجع على البيت عندي .. و نقعد نشوف هنعمل ايه بقي فى البحث و نلعب فيفا شوية و ننقل الصور من الموبايل للجهاز .. هتوحشوني يا ولاد اللذينة .. و هتوحشني ايام القرف و البهدلة فى الكلية 
.. و التيرمات اللى فيها عشر مواد .. و الادوات اللى بتتكسر و الضفادع اللى مش بترضى تموت و الفران اللى بتقف على رجلين اتنين بس و حمض الكبريتيك اللى بيضرب من الانبوبة فى وش اي حد و الحنفيات البايظة و المعيدين الرخمين و الميعدين الطيبين .. و الدكاترة .. و ما ادراك ما الدكاترة ..
صيدلة طنطا .. وداعا !!
تعليقات »
خلاصة "RSS" للتعليقات على هذه التدوينة. عنوان التتبع
أضف تعليق
-
أخر التعليقات
mhsn_10 on صيدلي صغير ؟ ملكش عيشة في البل… سما on صيدلي صغير ؟ ملكش عيشة في البل… FLEETWOOD on عني dconans1 on صيدلي صغير ؟ ملكش عيشة في البل… mhsn_10 on صيدلي صغير ؟ ملكش عيشة في البل… dconans1 on صيدلي صغير ؟ ملكش عيشة في البل…
المدونة لدى WordPress.com. | Theme: Pool by Borja Fernandez.
Entries and comments feeds.
السلام عليكم
مبروك يا ولد المدونة الجديدة ،، بالمناسبة انا عندي واحدة علي الورد بريس دا برضه بس فاضية
من عمايل فاست ليرو …
مبروك التخرج (انا سابقك ب 3 اسابيع
زائد اننا تصورنا في شهر 4 
) بطيء بطيء 
ربنا يوفقك في حياتك العملية والادبية والعاطفية
ومتنسناش ياض
صديقك
MoH_mOu
Comment بواسطة mahmoz — الخميس 5 يوليو, 2007 #
الله يبارك فيك يا ولدي .. و مبروك انت على الشهادة يا وغد .. في نتيجة بتبان بدري كده !!! مبروك ياض
و عيب عليك .. متنساناش انت بس
شكرا يا محمد على التعليق
Comment بواسطة mhsn_10 — الجمعة 6 يوليو, 2007 #
حلو قوي قوي قوي البوست ده.. شوية صور إنما إيه.. جنااااان.. وجودة واضحة وكله تمام.. يعني الفوتوشوب هايزغرد.. فاهمني يا عمونا؟
مبروك يا باشا على التخرج..
كلية صيدلة؟
ماشي..
ألاقيش معاك قرصين ريفو؟
Comment بواسطة دافنشي — الأحد 8 يوليو, 2007 #
ما عندكشي اخبار عن النتيجه
Comment بواسطة ايمان — الأربعاء 18 يوليو, 2007 #
ما عندكش اخبار عن النتيجه
Comment بواسطة ايمان — الأربعاء 18 يوليو, 2007 #
من العم الكبر لكل من انتمى لكليه الصيدله جامعه طنطا وداعا اقولها صادقه من قلبى وربنا يوفق الجميع
Comment بواسطة الجنرال — الخميس 2 أغسطس, 2007 #
كلية الصيدلة اجدع كلية
Comment بواسطة العيسوى — الخميس 2 أغسطس, 2007 #
قديهون العمرالاساعة وتهون الارض الاموضعا الساعة هي اللحظات الخالدة مع اغلي الاصدقاء في الكلية والموضع هو كل شبر من جنبات احب كلية تسامرنا فيه
Comment بواسطة احمد العيسوى — الجمعة 3 أغسطس, 2007 #
مبروك التخرج يا شباب واهلا بكم فى ايام افظع من الكلية بكتييييييييييييرررررررررررر
بكرة تقولوا فين ايام الكلية…… الله يرحمهاكانت احلى ايام
التوقيع :- خريجة قديمة ……قوووووووى
Comment بواسطة د.أميرة — السبت 4 أغسطس, 2007 #
الف مبروك لكل دفعة 2007 والفين مبروك ليك يااحمد ياعيسوي وعلي فكرة انت كاتب كومنت لذيذ وشيك زيك بس دا بيت شعر من اغنية قديمة لعبدالوهاب تاليف شاعر ماسموش احمد العيسوي بس ذوقك عالي والف مبروك كمان مرة
Comment بواسطة شلة علوم عنهم ندا — الأحد 5 أغسطس, 2007 #
لتلبيه رغبات الجماهير اكتب انا ابن البهوات ابعث لدفعتكم الكريمه التهانى الرقيقه والامنيات بداوام التوفيق واتمنى ان تنالوا رضا الله اولا ثم ان تنالو رضا اصحب عملكم. اخيرا وليس بأخر لو كان الامر بيدى ……… .
Comment بواسطة المايـــ حماده ـــــسترو — السبت 11 أغسطس, 2007 #
الف الف مبروك علي النجاح وعقبال المعافاه.وياريت اى حد يدخل علي الموقع يدعو لنابالتوفيق
Comment بواسطة د/عبدالدايم — الجمعة 17 أغسطس, 2007 #
اخيرا اترحمنامن الكلية وقرفها ولاشيت بقى ولاقرف وهنعيد مع الناس ونتفسح ونخرج ونشوف الدنيا بقى انا لسة لحد دلوقتى بتجيلى كوابيس بسبب الكلية دى خرجنا السنة دى على خير بدون اى خسائر الحمد والشكر لك يارب
Comment بواسطة د/ميسون — الجمعة 18 يناير, 2008 #
بالرغم من ان التخرج دة شئ حلو بس بردة مافيش احلى من جو الكلية والاصحاب وفراقهم شئ صعب جدا
Comment بواسطة د/شيماء — الأحد 20 أبريل, 2008 #
على فكرة ياجماعة عايزة اشوفكم منورين كدة فى حفلة التخرج وعلى فكرة انا لسة فى سنة ثالثة
Comment بواسطة د/شيماء — الأحد 20 أبريل, 2008 #
كل ترم و انتم ان شاء الله معديين صافى امتحان العضوية بعد اسبوع ربنا يستر فعلا اعدادى دى اسوأ سنة فى حياتى وان شاء الله الغلطات الكثيرة اللى الواحد عملها و ندمان عليها مش هتتكرر ثانى ابدا
Comment بواسطة د0ريم — السبت 17 مايو, 2008 #
السلام عليكم انا طالبة جديدة فى اعدادى وحاسة ان الكلية صعبة قوى حد يقولى ازاكر ازاى
Comment بواسطة noor — الخميس 13 نوفمبر, 2008 #
الكليه دي عباره عن طاحونه اول ماتدخلها تحس انك انشفط وتتعجن صح والاخر ترميك ف الشارع لا تلاقي شغل في صيدليه ولا شركه ولا حتي بره وتقعد تندب حاللك قدام السيده زينب
Comment بواسطة هبه عاصم — الأثنين 8 ديسمبر, 2008 #
االالسلام عليكم ورحمة الله وبركاته انا يا دكاترة الصيدلة طالبة في كلية الطب بس انا منكرش ان كلية الصيدلة اصعب بكتييييييييييير من كليتنا دي بس بجد ربنا معانا ومعاكم يا شباب الغد ويا اجيال المستقبل اختكم اللي عندها احساس غير كل الناس والسلام عليكم ورحمة الله وبركاته
Comment بواسطة كتورة حزينة — الخميس 26 فبراير, 2009 #
فعلا إحنا شوفنا أيام بعد الكلية أسود من قرن الخروب بجد “بكل ما تحويه الجملة من معنى ومفتقدين ناس كتير جدا فى الكلية ونصيحتى للناس اللى لسه موجودة انها تستغل كل لحظة حلوة فى الكلية حتى لو كانت مرة لأن ببساطة الحياة بعد الكلية أمر و أمر
وسلامى لكل الناس المنورة الصور “رغم عدم معرفتى بيهم” وبالتوفيق للجميع
Comment بواسطة محمود رمضان حسن — الجمعة 3 أبريل, 2009 #